Galaxy S23 моделларининг аккумулятор сиғими қанча бўлади?
Samsung компаниясининг янги Galaxy S23 моделларига оид янгиликлар чиқишни давом этмоқда. Бу сафар уларнинг аккумулятор сиғими ва қувватланиш тезлиги қанча бўлиши очиқланди.
Ice Universe берган маълумотга кўра, Galaxy S23 ва S23+ моделларининг аккумулятор сиғими аввалги моделларга қараганда кенгаяди. Аммо қуввланиш тезлигида ўзгариш бўлмайди.
Galaxy S23 модели 25 ваттда қувват олувчи 3,900 мАс сиғимли аккумулятор эга бўлиши кутилмоқда. Бу ерда аккумулятор сиғими 3,700 мАс дан 3,900 ошганини кўришимиз мумкин. S23+ моделида ҳам аккумулятор сиғими 200 мАс га ошган бўлиб, энди янги модель 4,700 мАс сиғимли аккумуляторга эга бўлади. Ушбу модель 45 ваттда қувват олади.
Ultra моделга тўхталадиган бўлсак, бу ерда ҳеч қандай ўзгариш йўқ. Худди аввалгидек S23 Ultra модели 45 ваттда қувват олувчи 5,000 мАс сиғимли аккумулятор билан жиҳозланади.
Аввалги миш-мишларда янги серия 1 февраль санасида тақдим этилиши айтилаётган эди.
ЎҚИНГ: Redmi Note 12 Pro Speed Edition - бунисига нима дейсиз?
