Galaxy S23 қаторидаги смартфонларнинг ўлчамлари маълум қилинди

Galaxy S23 қаторидаги смартфонларнинг ўлчамлари маълум қилинди

Samsung компанияси ўзининг Galaxy S сериясидаги янги смартфонларини келаси йил бошида тақдим қилиши кутилмоқда. Миш-мишларга қараганда, бўлажак Galaxy S23 қаторидаги смартфонлар кўриниши ҳозиргисидан деярли фарқ қилмайди, лекин ўлчамларда бирозгина ўзгариш бор.

Ишончли маълумотчи, Ice Universe'нинг хабар қилишича, Galaxy S23, Galaxy S23+ ва Galaxy S23 Ultra моделлари Galaxy S22 қаторидаги моделлар билан таққослаганда қуйидагича экран ва тана ўлчамларига эга бўлади (тана ўлчамлари миллиметрда):

  Galaxy S22  Galaxy S23
Экран ўлчами ва резолюцияси 6.1 дюйм, 2340×1080
Қалинлиги 7.6
Узунлиги 146.0 146.3
Кенглиги 70.6 70.9
  Galaxy S22+ Galaxy S23+
Экран ўлчами ва резолюцияси 6.6 дюйм, 2340×1080
Қалинлиги 7.64 7.6
Узунлиги 157.4 157.8
Кенглиги 75.8 76.2
  Galaxy S22 Ultra Galaxy S23 Ultra
Экран ўлчами ва резолюцияси 6.8 дюйм, 3088×1440
Қалинлиги 8.9
Узунлиги 163.3 163.4
Кенглиги 77.9 78.1

Айтиш мумкинки, барча ҳозирги ва бўлажак моделларнинг экран ўлчами ва резолюцияси бир хил бўлсада, янги авлод смартфонлари танаси номигагина узунроқ ва кенгроқ, агар айтиш мумкин бўлса, Galaxy S23+ бироз ингичкароқ бўлади. Бундан ташқари Galaxy S23 Ultra текисроқ экранга эга бўлиши аввал айтилган эди. 

Гарчи дисплей ўлчамлари ва резолюцияси ўзгармаса ҳам, Galaxy S23 қаторидаги моделлар яқинда тақдим қилинган iPhone 14 қаторидаги моделлар каби энг юқори ёруғлиги 2000 нитс бўлган дисплейга эга бўлиши мумкин, чунки Жанубий Корея компанияси дисплейни Apple билан бир манбадан, яъни ўзидан олади ва ундан ўз смартфонларида фойдаланади. Маълумот учун, ҳозирги Galaxy S22 Ultra смартфони энг юқори ёруғлиги 1750 нитс бўлган дисплейга эга. 

ЎҚИНГ: Intel ва Broadcom еттинчи авлод Wi-Fi технологияси ишлашини кўрсатишди (видео)

Terabayt.uz сайтининг видеолари: Youtube'даги каналимизда!