Galaxy S23 Ultra камераси ҳақидаги маълумотларга аниқлик киритилди

Galaxy S23 Ultra камераси ҳақидаги маълумотларга аниқлик киритилди

Samsung компаниясининг Galaxy S23 сериясидаги Ultra модел бутунлай янги 200 мегапикселли сенсорга эга бўлиши анчадан бери миш-миш қилиб келинаётган эди. Таниқли ва ишончли маълумотчи, Ice Universe ушбу маълумотларга янада аниқлик киритди. Унинг айтишича, бўлажак Galaxy S23 Ultra моделининг 200 MP камерага билан чиқарилиш эҳтимоли 100% аниқ ва 0.6µм пикселли, 1/1.3” дюймдаги сенсорда, ф/1.7 диафрагмага эга бўлади.

Бу ISOCELL HP1 ва ISOCELL HP3 - ҳозирги бозордаги 200 MP камераларидан бошқачароқ: HP1 сенсори 0.64µм пикселли 1/1.22" дюймдаги сенсор бўлса, HP3 0.56µм пикселли, 1/1.4" дюймдаги сенсор ҳисобланади. Galaxy S23 Ultra'га ўрнатилиши айтилаётган сенсор эса бу иккисининг ўртасида бўлади. 

Ҳозирча Galaxy S23 Ultra камера дизайни ўзгариши кутилмаяпти. Бўлажак флагман ҳозиргисининг 10 мегапикселли перископ модулини ҳам сақлаб қолиши айтилмоқда.

ЎҚИНГ: iPhone 14 смартфонларининг батарея ҳажми қанча?

Terabayt.uz сайтининг видеолари: Youtube'даги каналимизда!