Galaxy S23 Ultra "unboxing" қилинди!

Galaxy S23 Ultra

Galaxy S23 смартфонлари тақдимот санаси яқинлашар экан, биз Интернетда бўлажак флагманларга оид кўплаб маълумотлар тарқатилишига гувоҳ бўляпмиз. Аввалига дизайн, кейин техник хусусиятлар, бир неча кун аввал жонли суратлар тарқатилди. Бугун эса Galaxy S23 сериясидаги энг юқори модел қутидан очиб кўрсатилди.

Twitter'да ҳали тақдим қилинмаган Galaxy S23 Ultra'нинг пахта гули ёхуд крем рангли вариантининг қутидан очиб кўрсатилган видео пайдо бўлди. Янги флагман, ўтган йилгига қараганда минималистик дизайнда қутида келади. Унинг ичида смартфондан ташқари яна нималар бор ёки йўқлиги кўрсатилмаган, лекин Интернет аҳолиси қутида USB-C кабели йўқ эканлигини таъкидлашмоқда. Агар мавжуд бўлса, қутида яна SIM-картани чиқариш учун игна ва қўлланма қоғозлари бор.

Смартфоннинг ўзига келадиган бўлсак, у сарғишроқ оқ рангда бўлиб, унинг атрофлари ёрқин олтин рангда. Қурилма орқасидаги тўртта камеранинг асосий учтаси нозик ҳалқалар билан ўралган. Шунингдек, смартфон тагида S Pen жойлашганлигини кўришингиз мумкин, худди S22 Ultra'да бўлганидек. Унинг ёнида эса овоз кучайтиргичлар панжараси, USB Type-C порт, микрофон ва SIM-карта уясини кўриш мумкин. Юқорида эса иккинчи микрофон, ҳамда, ўнг ён томонда Ёқиш ва овозни бошқариш тугмалари жойлашган.

Айтиш керакки, бундан аввалроқ YouTube'да Galaxy S23 Ultra эканлигини айтилган смартфоннинг "unboxing" видеоси чиққан эди. Бироқ, бургуткўз инсайдер, Ice Universe, унинг фейк эканлигини айтди.

ЎҚИНГ: Дубайда дунёдаги илк 3D босма масжид қурилади

Сайт янгиликларидан доимий хабардор бўлиш учун Телеграм каналимизга қўшилинг!