Galaxy S23 Ultra'нинг 200МП камераси билан олинган илк сурат тарқатилди!

Galaxy S23 Ultra'нинг 200МП камераси билан олинган илк сурат тарқатилди!

Samsung ўзининг янги Galaxy S23 Ultra смартфонини расман тақдим қилишига 10 кунча вақт қолди. Бўлажак Ultra смартфон дизайн борасида унчалик катта ўзгаришларга эга эмас, лекин камера борасида у 200МП камера билан жиҳозланиши аввалги хабарларда ўз тасдиғини топган эди. Бир неча кун аввал эса Интернетда смартфоннинг айнан шу асосий камераси билан олинган сурат пайдо бўлди.

Ice Universe тахаллуси билан танилган инсайдер ўзининг Twitter саҳифасига ҳали тақдим қилинмаган Samsung Galaxy S23 Ultra'нинг 200МП камераси билан олинган суратни жойлади.

"Бу қандай сурат деб ўйлайсиз? 5х зум? 10х зум? Йўқ, бу Galaxy S23 Ultra'нинг 200МП HP2 камераси билан олинган суратнинг 12 карра катталаштирилгани. Ўз хиссиётларинингизни тасвирлаш учун битта сўздан фойдаланинг", дейди инсайдер.

Ice Universe биринчи жойланган сурат бироз аниқлик етишмаётгандек эди, лекин у бироздан кейин суратнинг тиниқроқ ҳолатини кўрсатди ва у оригинал суратдан 12 марта яқинлаштирилгандан кейин қирқиб олинган тасвир учун тиниқлик қилади.

Албатта, смартфон камераси қанчалик яхши эканлгини баҳолаш учун уни бошқа 200МП камерали смартфонлар билан таққослаб кўриш керак. Бу борада инсайдер шундай дейди:

"200 мегапикселли Samsung ISOCELL HP2 камераси (қайсики, Galaxy S23 Ultra'га ўрнатилган) билан олинган суратлар HP1, HP3 ва HM1, HM3 билан олинган суратлардан бутунлай фарқ қилади. Улар билан олинган суратлар деярли ўткирлаштирилмайди, шунинг учун фотосуратлар жуда кўп ишлов беришларсиз нозик ва табиий кўринади."

Айтиш керакки, Xiaomi'нинг ўтган йили тақдим қилинган 12Т Pro смартфони, ҳамда, Motorola'нинг Moto Edge 30 Ultra смартфонига ISOCELL HP1 сенсори ўрнатилган.

Galaxy S23 Ultra смартфони Galaxy S23 серияси қаторида 1 феврал куни расман тақдим қилиниши кутилмоқда.

ЎҚИНГ: Samsung яна бир янги 200МП камера сенсорини тақдим қилди

Сайтимизнинг энг чиройли расмларини Инстаграмдаги саҳифамизда томоша қилинг!