Galaxy S23 Ultra'нинг камерасида яна бир янгилик!

Galaxy S23 Ultra'нинг камерасида яна бир янгилик!

Аввалроқ Galaxy S23 моделларининг видеога олиш имконияти яхшиланиши маълум бўлган эди. Аниқроқ қилиб айтганда, S22 моделлари 8K 24 кадр форматда видео олса, янги моделларда бу 8K 30 кадр форматга ошади. 

Ice Universe берган маълумотга кўра, Galaxy S23 Ultra'нинг видеога олиш имкониятида яна бир ўзгариш бўлади. Гап портрет видео режими ҳақида кетяпти. 

Galaxy S22 Ultra портрет режим билан 1080p 30 кадрда видеога олиши мумкин эди. S23 Ultra'да эса бу кўрсаткич 4K 30 форматга ошади. Энди камера орқафон ва объектни янада яхшироқ ажратиб олиши мумкин. 

Ҳозирча ушбу ўзгариш S23 ва S23+ моделларида ҳам бўлиши номаълум. Барча S23 моделлари Snapdragon 8 Gen2 чипида ишлайди. Бироқ Ultra модель янги ISOCELL HP2 200МП сенсори билан жиҳозланади. Қолган икки модель эса 50МП сенсорга эга бўлади. 

Ice Universe, шунингдек, Galaxy S23 Ultra моделининг совутиш тизими яхшиланишлигини ҳам айтиб ўтди. Демак, флагман оғир вазифа ҳисобланувчи юқори резолюциядаги видеоларни олишда ортиқча қизиб кетмайди. Эслатиб ўтамиз, Galaxy S23 серияси 1 февраль санасида тақдим этилади.

ЎҚИНГ: Samsung янги букланувчи смартфон прототипини тақдим этди 

Сайтимизнинг энг чиройли расмларини Инстаграмдаги саҳифамизда томоша қилинг!