Galaxy S7 ва бошқа Samsung смартфонлари қачон Android Oreo’гача янгиланади?
Android операцион тизимининг саккизинчи – Oreo талқини тақдим этилганига анча бўлди. Смартфонсозлар ўзларининг турли моделлари учун шу талқин асосидаги прошивкаларини босқичма-босқич тарқатиб келишмоқда.
ЎҚИНГ: Жаҳонда энг яхши сотилаётган, қизиқиш юқори смартфонлар рейтинги
Samsung компанияси ҳам ўзининг Galaxy S7, Galaxy S7 Edge, Galaxy A3, шунингдек 2017 йилги Galaxy A5 ҳамда Galaxy A7 моделлари учун Android Oreo талқинини 25 майда тақдим этиши режалаштирилган эди. Аммо турли сабабларга кўра уларнинг чиқиш вақти кечиктирилди.
Энди эса, Samsung’нинг Туркия бўлими сайти шу каби бир нечта моделлардаги қурилмаларнинг Android Oreo’гача янгиланиш вақтини маълум қилди.
Кўриб турганингиздек, Galaxy S7 ҳамда S7 Edge моделлари 18 май санасида Oreo талқинидаги Android прошивкасини қабул қилиб олади. 2017 йилги Galaxy A туркумидаги барча смартфонлар эса 1 июнда янгиланиши режалаштирилган.
Айтиш керакки, прошивкаларнинг «ҳаво орқали» тарқатилиш саналари смартфоннинг савдога қўйилган ҳудудига боғлиқ ҳолда фарқ қилиши ҳам мумкин. Масалан, хабарларга кўра, Galaxy A5 (2017) учун янгиланишлар Россиядаги фойдаланувчиларга аллақачон келган.
ЎҚИНГ: Galaxy J8 (2018): ҳамёнбоп смартфонлар бозорида кучли рақиб
