Galaxy S7 ва S7 Edge флагманларида экран аниқлигини камайтириш мумкин бўлди

Galaxy S7 ва S7 Edge флагманларида экран аниқлигини камайтириш мумкин бўлди

Hi-Tech.Mail.Ru нашрининг хабар беришича, Android 7.0 версиясига янгиланган  Galaxy S7 ва S7 Edge флагманларида экран аниқлигини туширишга хизмат қиладиган функция пайдо бўлган.

Samsung компаниясининг сўнгги флагманларига 2К ёки QHD (2560х1440 пиксель) аниқлигидаги дисплей ўрнатилган. Бироқ янгилашдан кейин унинг аниқлигини Full HD (1920х1080) ёки HD (1280х720) форматига тушириш мумкин бўлди.

Бундай функциянинг қўшилишидан мақсад батарея сарфини камайтиришдир. Чунки экран смартфондаги батарея қувватини энг кўп сарфлайдиган компонентлардан бири ҳисобланади. Энг қизиғи, кўплаб фойдаланувчилар экран аниқлигин камайтиргач ҳеч қандай фарқни сезишмаган.

Terabayt.uz сайтининг видеолари: Youtube'даги каналимизда!