Galaxy S8 фойдаланувчи қиёфасини 0.01 секундда аниқлайди

Galaxy S8 фойдаланувчи қиёфасини 0.01 секундда аниқлайди

Samsung компаниясининг кутилаётган Galaxy S8 мобиль телефонидаги кўзнинг рангдор пардаси сканери жуда тезкор ишламаслиги мумкин, бироқ ундаги фойдаланувчи юз қиёфаси сканерининг ўта тез ва аниқ фаолияти диққатга сазовор. Бу хабар Apple кейинги iPhone авлоди учун юз қиёфасини аниқлаш технологияни яратаётгани тўғрисидаги хабарлардан кейин тарқалгани янада эътиборлироқ.

Жанубий Кореянинг The Investor бизнес янгилклари тармоғининг маълум қилишича, Galaxy S8 кучли хавфсизлик тизимига эга бўлиб, унга кўз пардаси ҳамда бармоқ излари сканери билан бирга, эгасининг юзини ҳам танийдиган биометрик ҳимоя сканерига эга бўлади.

Маҳаллий Korea Economic Daily газетининг гувоҳлик беришича, ишлаб чиқарувчи айни пайтда ушбу технологияни синовдан ўтказмоқда. Samsung вакилининг нашрга маълум қилишича, кўз пардаси сканерининг секин ишлаши туфайли компания қиёфани аниқлаш тизимини ҳам жорий қилган. Янги тизим 0.01 сония ичида фойдаланувчини таниб олади ва тизимни блокдан чиқаради.

Маълумотларга кўра, келаётган 29 март куни тақдимоти кутилаётган инновацион S8 ромдан холи, Super AMOLED экран ҳамда кучли Snapdragon 835 процессори, симсиз қувватлаш технологияси билан таъминланади.