Galaxy S8: “Малика”нинг 6.7 млн.лик смартфонидаги энг катта муаммо
Американинг SquareTrade электроника маҳсулотларини суғурталаш хизматининг хабар тарқатишича, Galaxy S8 ва the Galaxy S8+ бу хизмат шу вақтга синаб кўрилган смартфонлар орасида юқоридан ташлаганда корпуси ҳар томонидан дарз кетган илк мобил телефон бўлди.
Тобора оммалашиб бораётган флагманлар смартфонларга хизмат кўрсатувчи устахоналар даромадининг ошишига ҳам беминнат хизмат қилади. Айни кунда АҚШдаги телефонларга хизмат кўрсатувчи марказларга Galaxy S8 ва S8’да юзага келган носозликлар бўйича 24 соат давомида мурожаатлар келиб тушмоқда. Уларнинг аксарияти экраннинг дарз кетиши билан боғлиқ.
Galaxy S8 ва S8+ флагманларининг муҳим жиҳати “Infinity Display”, яъни деярли ромсиз экран дисплейдир. Улар энг сўнгги — Gorilla Glass 5 ҳимоя шишалари билан қопланган. Шунингдек, дисплей қуйироғидаги металл рамкага остки панелнинг шиша қопламаси бирикиб турибди. Олд ва орқа томондан шиша панелларга эгалиги озгина эҳтиётсизлик туфайли қиммат смартфонни жароҳатлашга сабаб бўлиши мумкин.
Galaxy S8 ва S8+ телефонларининг экран деталлари Galaxy S7 ва S7 edge’никига қараганда арзон. Мисол учун, Galaxy S8 ва S8+ смартфонларига янги OLED панел қўйиш $200 долларга тушади. Бу Galaxy S7’нинг шундай харажатидан $50-$100 долларга арзон. iPhone 7’га экран қўйиш учун эса $300 долларга тушади. Apple ҳам iPhone’га OLED дисплей ўрнатаётганини ҳисобга олсак, айфон фойдаланувчилари ҳам экрани синган смартфонларини арзонроққа таъмирлаш имконига эга бўладилар.
Galaxy S8 флагмани $750 доллардан сотувга чиқарилган. Айни пайтда, Тошкент шаҳридаги “Малика” савдо марказида Samsung Galaxy S8 смартфони 5.7 миллион, Galaxy S8 Plus эса 6.7 миллион сўмдан сотилмоқда.
