Galaxy S8: Samsung фойдаланувчиларни келажакка тайёрламоқда
Хабарингиз бўлса, Samsung компанияси ўзининг Twitter ҳамда Facebook саҳифалари орқали #TheNextGalaxy хэштеги остида “Яқин орада улкан янгилик келмоқда” шарҳи билан пост қўйиб, мухлисларининг диққатини тортган эди.
Қуйида эксперт ва мутахассислар эълон қилаётган гаджетга хос футурологик қарашларни диққатингизга ҳавола қиламиз.
Galaxy S7 ҳамда Galaxy S7 edge флагманлари намойишидан қисқа фурсат ўтиб, компаниянинг бу янгилиги кўпчиликни ҳайратга солди. Galaxy S7 2016 йилга қадар технология оламига кириб келган энг тўкис ва кўркам смартфон сифатида эътироф этилмоқда.
Гаджет 5.2 ёки 5.4 дюймли дисплейда бўлади. Дисплейнинг пиксель сиғими ҳам юқори даражада бўлиши аниқ. Флагман 6 ГБ тезкор хотира, Snapdragon 820 процессорида фаолият кўрсатади.
Гарчи, Galaxy S7 смартфони 200 ГБгача бўлган қўшимча хотирани қўллаб-қувватловчи microSD бўлмачасига эга бўлса ҳам, фойдаланувчилар ва экспертлар Galaxy S8’нинг доимий хотираси 256 ГБ бўлиши мақсадга мувофиқлигини айтишмоқда.
Galaxy S7 смартфонининг нафис дисплейи бармоқ изларига жуда таъсирчан бўлгани боис Galaxy S8’да фойдаланувчилар бармоқ изларини юқтирмайдиган қоплама ётқизилган 5.2 дюймли экран шишасига гувоҳ бўлишлари мумкин.
Galaxy S7 гаджети сифатли аудио стандартига эга. Apple ҳамда HTC компанияси бугун максимал даражада овоз узатиш ва ёзиш қобилиятига эгалигини ҳисобга олсак, Galaxy S8 ҳам аудио технологияни ривожлантириши табиий.
Galaxy S7’да Samsung қўш пикселли камера технологиясини татбиқ қилган эди. Гарчи, 12 МП бўлса ҳам, унинг камераси сифатли сурат намойиш қилишда айни пайтда смартфонлар орасида етакчидир. Шундай бўлса ҳам, экспертлар навбатдаги Galaxy’да 16 ёки 20 мегапикселли бош, 9 МП олд камеранинг бўлишини қўллаб-қувватлашмоқда. Шу билан бирга, янги гаджетда Samsung супер оптик сурат барқарорлаштириш функциясини татбиқ этиши кутилмоқда. Унинг камераси 3D тасвир ёзиб олиши ҳам мумкин.
SAMSUNG GALAXY S8
Процессор ишлаб чиқарувчи йирик ARM компанияси Samsung, Nvidia ҳамда Texas Instruments билан ҳамкорликда PS4 ва Xbox One ўйин приставкалариникига ўхшаш процессорлар ишлаб чиқармоқда. Бу эса янги гаджетнинг яна бир ўзига хослигидан, смартфон базасида янги видеоўйин приставкаси учун платформа яратилиши мумкинлигини англатади.
Galaxy S8 дисплейидан Gear VR виртуал воқелик дубулғасининг монитори сифатида фойдаланиш ҳам мумкинлиги инобатга олинса, Корея корпорацияси смартфонда 4K сиғимли дисплейдан фойдаланиши ҳақиқатга яқин.
Galaxy S7 мобиль алоқа воситасида татбиқ қилинмаган USB Type-C универсал коннекторининг навбатдаги флагман авлодида синаб кўриш эҳтимоли юқори.
Galaxy S8’нинг қайрилма соҳил экранлари янада самарали функциялар жорий этилади.
Табиийки, янги флагман янгича илғор ғоялар билан бойитилган бўлади. Хусусан, унда шу йил тақдим қилиниши режалаштирилган ноутбук гибриди – Galaxy Note 6’нинг ўзига хос жиҳатларининг бўлиши тахмин қилинмоқда.
Айтиш керакки, сўнгги йилларда ижтимоий тармоқ ва интернет ресурслари Samsung компанияси учун фойдаланувчилар фикр-мулоҳазасини ўрганиш платформасига айланган. Юқорида қайд этилган эълон ҳам айни шу мақсадда нашр қилинган бўлса, ажаб эмас.
