Galaxy S9’ни хитойлик смартфон GeekBench’да мағлуб этди (+«жонли» сурат)

Ўтган йилги смартфонлар орасида энг самарадорлиги юқориси – OnePlus 5T эканидан хабарингиз бўлса керак. Компаниянинг кейинги флагмани ҳам тайёрланмоқда ва у аллақачон бенчмаркда синаб кўрилди.

ЎҚИНГ: КУТИЛМАГАН ВИДЕО: Samsung Galaxy S9+ ўтган йилги хитойлик флагманга мағлуб бўлди!

Машҳур исайдер Эван Блэсс (Evan Blass)  кечагина OnePlus 6 деб номланган мазкур смартфоннинг илк «жонли» суратини ҳам намойиш этган эди. Мана, томоша қилинг-да:

Бугун эса шу OnePlus 6 қурилмаси GeekBench сервисида NS-P7819 модел рақами остида ўз кучини синаб кўргани маълум бўлди. Бенчмаркнинг маълумотлар базасида сақланиб қолган маълумотларга кўра, хитойликларнинг бу флагмани якка кристалли Snapdragon 845 тизими билан жиҳозланган. Шунга қарамасдан, OnePlus 6 ҳатто Samsung Galaxy S9 флагманидан ҳам юқори натижа қайд этди:

Кўриб турганингиздек, OnePlus 6 якка ядроли тестда 2535 балл, кўп ядроли синовда эса 8632 балл тўплаган.

Ушбу телефон 6 гигабайт ҳажмли тезкор хотирага эга бўлиб, OxygenOS график қобиғи остидаги Android 8.1 операцион тизим талқинида ишлайди. Унинг тақдимоти шу йилнинг июнида бўлиб ўтиши кутилмоқда.

Дарвоқе, OnePlus 6 яқиндагина яна бир бенчмаркда – AnTuTu сервисида ҳам энг юқори кўрсаткични намоён этган эди.

ЎҚИНГ: AnTuTu’да рекорд ўрнатган OnePlus 6’ни батафсил томоша қиламиз! (+видео)