Galaxy S9 ва S9+ барчага керакли бир функция билан янада кучайтирилди
Samsung компанияси ўзининг флагман смартфонлари – Galaxy S9 ва Galaxy S9+ моделлари учун янги апдейт чиқарди. Ушбу янгиланиш билан бу моделларга муҳим бир функция ҳам қўшилди, дея хабар берилган Reddit ижтимоий янгиликлар сайтида.
ЎҚИНГ: Galaxy S9/S9+ : суперфлагманларнинг сири!
Тақдим этилган апдейтлар смартфон моделига боғлиқ ҳолда G960FXXU1BRE5 ёки G965FXXU1BRE3 рақамига эга. Мазкур янгиланишлар «ҳаво орқали» келиб, қурилмага ўрнатиб олингач, унинг интерфейсида ўзгариш кўзга ташланади. Яъни, янгиланган Galaxy S9 ва S9+ флагманларида овозли қўнғироқлар интерфейсида суҳбатларни ёзиб олиш тугмачаси пайдо бўлади.
Хабарга кўра, ушбу функцияга эга апдейт фақат телефон қўнғироқларини ёзиб олиш тақиқланмаган мамлакатлардаги фойдаланувчилар қурилмалари учунгина тақдим этилган.
Қўнғироқларнинг овозли ёзувлари смартфоннинг ички хотирасида сақланади ва уларни плеерда тинглаш мумкин бўлади. Бу имконият кўпчилик смартфон эгаларини хурсанд қилиши табиий.
ЎҚИНГ: Android-қурилмада телефон суҳбатини қандай ёзиб олса бўлади?
