Galaxy Watch 5 сериясида Classic моделни кўрмасангиз ҳайрон бўлманг!

Galaxy Watch 4 ва Galaxy Watch 4 Classic ўтган йили тақдим қилинган бўлиб, улар Google'нинг Wear OS 3.0 операцион тизимида ишлайдиган илк смартсоатлар бўлган эди. Samsung тез орада ўзининг бу ақлли соатлари янги авлодини, катта эҳтимол билан Galaxy Watch 5 сериясини чиқариши кутилмоқда ва миш-мишларга кўра, Жанубий Корея компанияси бу йилги соатлар қаторига жиддий ўзгартириш киритадиганга ўхшайди.

Маълум бўлишича, янги авлод Galaxy Watch сериясида Classic модели бўлмайди, унинг ўрнини эса Pro вариати эгаллайди, яъни: Galaxy Watch 5 ва Galaxy Watch 5 Pro. Соатнинг Pro бўлмаган модели икки хил ўлчамда, Pro модели эса фақат битта ўлчамда чиқарилиши мумкин.

Бир неча ҳафта олдин Galaxy Watch 5 Pro кўпчилик смартсоат мухлислари талаб қилган хусусият, кўпроқ батарея сиғимига эга бўлиши айтилган эди.

ЎҚИНГ: Galaxy Watch 5 қаторига янги модел қўшилади