Galaxy Watch 5 сифатли рендерлари тарқатилди

Galaxy Watch 5 сифатли рендерлари тарқатилди

Samsung кейинги ойда ўзининг яна бир қатор янги қурилмаларини тақдим қилишни режалаштирмоқда ва улар орасида Galaxy Watch соатлари ҳам бор. Таниқли ликер, Эван Бласс, 91Mobiles сайти орқали бўлажак смартсоатларнинг сифатли рендерларини тарқатди

Galaxy Watch 5 Pro ва Galaxy Watch 5 соатларнинг олд кўриниши. Муаллиф: 91Mobiles

Улашилган Galaxy Watch 5 ва Galaxy Watch 5 Pro гаджетларининг 3D тасвири уларнинг дизайни билан ҳар томондан танишиш имконини беради. Бир қарашда иккала моделнинг ҳам ташқи кўриниши унчалик ўзгармагандек кўринади ва ташқи кўринишда олдинги авлоддагиларидан деярли фарқ қилмайди.

Galaxy Watch 5 Pro. Муаллиф: 91Mobiles

Galaxy Watch 5 Про, қатордаги қиммат модел ва олдинги Galaxy Watch 4 Classic давомчиси бўлиб, у аввалги моделда бўлгани каби жисмоний айланадиган рамкага эга бўлмаслигини рендерлар ҳам яна бир марта тасдиқлади. Шунингдек, "Project Х" код номли ушбу модел энди фақат битта 45 мм ўлчамда, қора ва кулранг вариантда чиқарилади (ўтган йили Galaxy Watch 4 Classic икки хил: 46 ва 44 мм ўлчамда чиқарилган эди).

Galaxy Watch 5. Муаллиф: 91Mobiles

Оддийроқ дизайнга эга Galaxy Watch 5 моделига келадиган бўлсак, унинг код номи "Heart" деб аталади. У Pro моделдан кўра кўпроқ рангларда, 44 мм ва ундан бироз кичикроқ ўлчамдаги вариантда чиқарилади.

Икков моделларнинг ҳам ўнг томонида иккитадан тугмалар бор ва уларда LTE, GPS қўллаб-қувватланади. Айтишга арзийдики, соатлар 5АТM даражасидаги сувдан чидамлиликка эга, яъни улар билан бассейн каби саёз жойларда сузиш мумкин. Дастурий таъминот борасида эса, ақлли соатларни wearOS 3.5 га асосланган One UI Ватч 4.5 қобиғи "ақлли" қилади. Миш-мишларга кўра, янги соатлар олдингиларидек 5W эмас, балки, ундан икки баробар кўп, 10W тезликда зарядланиши мумкин.

Ушбу Galaxy Watch соатлари Samsung кейинги ойда бўлиши ўтказиши кутилаётган Unpacked тадбирида, янги авлод Fold ва Flip букламафонлари, шу билан бирга, Galaxy Buds Pro қулоқчинлари билан тақдим қилинади.

ЎҚИНГ: Samsung иккита янги смартфонни тақдим этади

 
 
 
 
Terabayt.uz сайтининг видеолари: Youtube'даги каналимизда!