Galaxy Z Flip 5 ва Galaxy Z Fold 5 юқори сифатли рендерларда!

Galaxy Z Flip 5 ва Galaxy Z Fold 5 юқори сифатли рендерларда!

Букланадиган смартфонлар бозори бу йил бир қанча янги "ўйинчилар" билан бирга, янгиланган букламафонлар билан ҳам кенгаймоқда ва бу Samsung Galaxy Z серияси ҳам ўз ичига олади. Жанубий Корея компанияси ўзининг бу йилги Galaxy Z Fold & Flip букламафонларини ўтган йилга қараганда бир неча ҳафта эртароқ тақдим қилиши кутилмоқда. Балки, шунинг учун улар ҳақидаги маълумотлар ҳам бироз эртароқ тарқалмоқда – Galaxy Z Fold 5 ва Galaxy Z Flip 5 сифатли рендерлари кўрсатилди.

Йўқ, бу Galaxy Z Fold 4 эмас – бу Galaxy Z Fold 5!

Бир неча кун аввал Smartprix нашри OnLeaks билан ҳамкорликда Samsung компаниясининг бўлажак Galaxy Z Fold 5 букламафонининг сифатли рендерларини улашди. Уларга бир қарашда ҳаёлингизга ўтган йилги Galaxy Z Fold 4 келиши аниқ, чунки Galaxy Z Fold 5 дизайни деярли ўзгармаган: учлик камералар қурилмадан бироз бўртиб чиқиб турадиган камера оролида ичида жойлашган.

Агар ўзгариш дейиш мумкин бўлса шуни айтиш керакки, бу сафар LED чироғи камералар пастида эмас, балки ёнига кўчирилган. Таъкидлаш жоизки, Samsung ўзининг Galaxy S23 флагманларидан бошлаб бу йилги барча смартфонларини камера оролисиз дизайнда чиқараётган эди. Бироқ, бу Galaxy Z Fold 5 учун амал қилмайдиган кўринади.

Бир қарашда кўз илғамайди, лекин Galaxy Z Fold сезиларли ўзгаришларга ҳам эга. Масалан энди у энди аввалгисига қараганда ингичкароқ: букланмаган ҳолатда 154.9×129.9×6.3 мм; букланганда эса 154,9×67,1×13,5 мм ўлчамда. Таққослаш учун Galaxy Z Fold 4 букланганида 14.2-15.8 мм қалинликда бўлади. Бу бу аввал миш-миш қилинган "томчи" стилидаги ошиқ-мошиқдан шарафи билан бўлиб, Galaxy Z Fold 5 букланганида "қанотлари" орасида бўш жой қолмаслиги айтилмоқда.

Galaxy Z Flip 5 компютер папкаси стилидаги орқа экран билан

Galaxy Z Fold 5 рендерлари тарқалганидан кўп ўтмасдан MediaPeanut сайти OnLeaks билан ҳамкорликда Galaxy Z Flip 5 нинг юқори сифатли рендерларини улашди.

Galaxy Z Flip букламафонлари бир неча йилдан бери орқа томонида қўшимча экран билан чиқарилади. Бироқ, улар сўнгги авлод Galaxy Z Flip 4 ҳам унчалик катта эмас. Букламафонлар бозорига янги қўшилган Oppo ва Vivo каби компаниялар яқинда чиқарган Flip букланадиган смартфонлари эса анча катта қўшимча экран билан чиқарилмоқда. Улар билан рақобатлашиш учун Samsung ҳам ўзининг янги Flip букламафонини каттароқ орқа экран билан чиқариши аниқ.

Galaxy Z Flip 5 бир неча ойдан бери орқа томонида сезиларли даражада катта қўшимча дисплей билан чиқарилиши ҳақида миш-миш қилиб келинаётган эди. Улашилган рендерлар эса бизга улар қандай бўлиши ҳақида умумий маълумот беради.

Суратлардан кўриш мумкинки, Galaxy Z Flip 5 нинг орқа томонидаги қўшимча дисплейи иккилик камералар атрофидан ташқари букламафоннинг ярмини эгаллайди ва бу компютерлардаги папка иконкасини эслатиб юборади. Бу таҳминан 3.4 дюймли дисплей эканлиги айтилмоқда. Қурилманинг қолган томонларида ўзгаришлар деярли мавжуд эмас. 

Samsung Galaxy Z Fold 5 ва Galaxy Z Flip 5 букламафонлари июл ойи охирларида тақдим қилиниши кутилмоқда.

Terabayt.uz сайтининг видеолари: Youtube'даги каналимизда!