Galaxy Z Fold 4 ва Flip 4 жонли суратларда

Samsung ўзининг янги авлод Galaxy Z Fold ва Flip смартфонларини тақдим қилишига атиги бир неча кун қолди, бироқ тақдимотдан олдин бўлажак букламафонларнинг жонли суратларда интернетда тарқатиб юборилди.

Twitter'даги Noh_Tech саҳифасида пайдо бўлган суратлар Samsung ритейлер дўконларидан биридан олинганга ўхшайди, унда ҳаворанг-кулранг рангли Galaxy Z Fold 4 ва ҳаворанг рангдаги Galaxy Z Flip 4 ни кўриш мумкин.

Galaxy Z Flip 4 га қарайдиган бўлсак, унинг ошиқ-мошиқлари атрофидаги металл қисмлар нозикроқ ва Flip 3 билан солиштирганда қирралари бироз текисроқ эканлигини айтмаса, дизайн деярли ўзгармаган. Galaxy Z Fold 4 эса букланадиган жойи ташқи дисплей билан бирга анча кичикроқ, шу билан бирга, у қўлда бироз кенгроқ кўринади. Шунингдек, букламафонларнинг икковида ҳам экраннинг букланадиган жойи бироз кичрайтирилган ва энди улар унчалик эътиборга тушмайди.

Samsung ушбу қурилмаларни тез кунда расман тақдим қилади. 

ЎҚИНГ: Ўзбекистонда йил охиригача миллий ижтимоий тармоқ чиқарилиши мумкин