Geekbench фош этди: арзон Galaxy M40 кутилганидан кучлироқ экан!

  •   DiMaX
  •  2565
  •  03.05.2019 17:41

Geekbench фош этди: арзон Galaxy M40 кутилганидан кучлироқ экан!

Samsung компаниясининг арзон смартфонлар туркуми яқин орада Galaxy M40 модели билан тўлдирилиши маълум. Аввалроқ унинг айрим хусусиятлари маълум бўлган эди.

ЎҚИНГ: Galaxy A смартфонлари тақдимотдан икки ой ўтибоқ арзонлаша бошлади!

Миш-мишларга қараганда, Galaxy M40 камида 6,4 дюймлик Super AMOLED экранга, уч модулли бош камерага ва 5000 мА/соатлик аккумуляторга эга. Шунингдек, Samsung уни ўзининг Exynos 7904 процессори базасига қуриши айтилган эди, аммо Geekbench сервиси бунинг нотўғри эканини кўрсатди.

Гап шундаки, айни бугун – 3 май санасида ушбу бенчмаркда Galaxy M40 моделининг кучини синаб кўришган. Шунда аниқ бўлдики, унга Exynos 7904’дан кўра кучли бўлган Snapdragon 675 процессори ўрнатилаётган экан:

Geekbench’да тестдан ўтказиб кўрилган Galaxy M40 тезкор хотираси 6 гигабайтлик бўлиб, процессорининг битта ядросини ҳамда барча ядроларини ишлатиб текширилганида у тегишлича 2350 ва 6410 балл олган. Яъни, кутилаётган смартфон самарадорлиги Galaxy M30 моделидан анчагина кучли. Шунингдек, унинг энг сўнгги – Android 9 Pie операцион тизим талқини билан тақдим этилиши ҳам аниқ бўлди.

Samsung ушбу моделини яқин орада тақдим этиши кутилмоқда, компаниянинг жаҳон бозорига чиққан айрим телефонларини эса 451 000 сўмдан бошланувчи нархларда Terashop.uz интернет-дўконимиздан сотиб олиш мумкин.

ЎҚИНГ: Galaxy A50 яна Terashop.uz’да, Galaxy S10e ҳам етиб келди! Шу ва бошқа Samsung смартфонлари нархлари (2019 йил 25 апрель)

Хабарларни тез ва осон ўқиш учун Андроид иловамизни сақлаб олинг.