Gigabyte янги мини-компьютерни тақдим этди
Gigabyte компанияси мини-компьютерлар сафини кенгайтирди. GB-BACE3000-FT русумли янги компьютер Intel Braswell асосида яратилган.
Расмий хабарга кўра, қурилмада 14 нанометрли икки ядроли Celeron N3000 процессори ва Intel HD Graphics график тезлаткичи қўлланган. 32 Гбайт ички хотира, 2 Гбайт тезкор хотирага эга. Мини-компьютер ўлчами 114,4 х 107,6 х 56,1 мм.
Шунингдек, Wi-Fi ва Bluetooth модуллари бор. D-sub ва HDMI улагичлар мавжуд. Тўртта USB 3.0 порти ва microSD слот бор. Windows 10 Home операцион тизими ўрнатилган.
