Ғилоф асосида Redmi K50 Pro'нинг рендерлари яратилди

Ғилоф асосида Redmi K50 Pro'нинг рендерлари яратилди

Xiaomi февраль ойида Redmi K50 сериясини тақдим этиши кутилмоқда. Айтишларича, сериядан тўртта смартфон ўрин олади. 

Кеча Redmi K50 Pro учун мўлжалланган ғилоф суратлари интернетда пайдо бўлди. Ғилоф смартфоннинг орқа панели ҳамда камера модули дизайни қандай бўлишини кўрсатиб берди. 

Сурат пайдо бўлгандан кўп ўтмай, у асосида смартфоннинг рендерлари тузиб чиқилди. Рендерлардан кўришимиз мумкинки, K50 Pro ташқи кўринишидан кўпроқ Xiaomi Civi смартфонига ўхшаб кетади. Камераларнинг учбурчак ҳолда жойлашгани эса vivo X60 сериясини эслатиб юборади. 

Redmi K50 смартфони ён томонда жойлашган бармоқ изи сканерига эга бўлади. Бироқ бу унга LCD дисплейи ўрнатилади дегани эмас. Одатда Xiaomi ўз смартфонларини AMOLED дисплейи билан жиҳозласа ҳам, уларга ён томонда жойлашган бармоқ изи сканерини ўрнатади.

Маълумотларга кўра, смартфон 120Hz янгиланиш частотасида ишловчи 6.67 дюймли FullHD+ резолюциядаги дисплейга эга бўлади. 

Суратдаги ғилоф смартфоннинг юқори қисмида битта микрофон ва инфрақизил порт, пастки қисмда эса USB-C порти, микрофон ва динамик борлигини кўрсиб берган. Бундан хулоса қилиш мумкинки, смартфонда 3.5мм аудио жек бўлмайди. 

ЎҚИНГ: Xiaomi Redmi Note 11S смартфони чиқмоқда 

Сайт янгиликларидан доимий хабардор бўлиш учун Телеграм каналимизга қўшилинг!