Gionee S11S – сўнгги трендларидаги «тўрткўз» смартфон

  •   DiMaX
  •  994
  •  03.10.2017 10:52

Gionee S11S – сўнгги трендларидаги «тўрткўз» смартфон

Хитойнинг мобил қурилмаларни рўйхатдан ўтказиш агентлиги – TENAA’да Gionee S11S русумли смартфон сертификациядан ўтказилди. Бу ҳақда AndroidHeadlines нашри хабар бермоқда.

Олинган маълумотларга кўра, у смартфонсозликдаги сўнгги тенденцияларга жавоб бера олади. Девайснинг юпқа ромли AMOLED-дисплейи томонлари ўзаро 18:9 нисбатда. Унинг асосий камераси ҳам, олд камераси ҳам қўш объективли. Булардан ташқари, мазкур смартфон 3 600 мА/соат сиғимли аккумулятор ҳамда 3,5 миллиметрлик қулоқчин тирқишига ҳам эга.

 

TENAA маълумотларига кўра, Gionee S11S моделига 2160x1080 пикселли сиғимга ҳамда 6 дюймлик диагоналга эга бўлган, 2,5D-шиша билан ҳимояланган AMOLED-дисплей ўрнатилган. Унинг 64 битлик, саккиз ядроли MediaTek процессори 2,5 ГГц такт частотасида ишлайди (бу Helio P тизимига мансуб чип бўлиши тахмин қилинмоқда). Гаджетнинг тезкор хотираси 7 гигабайт, доимий хотираси эса 64 гигабайт ҳажмга эга.

Gionee S11S смартфонида камерага ҳам жиддий ёндашув мавжуд: унинг асосий камераси 20 ва 8 мегапикселли иккита модулга ҳамда чақноққа эга. Олд камераси ҳам қўшалоқ объективли – 16 ҳамда 8 мегапикселли сенсорлари мавжуд.

Айтилишича, Gionee S11S моделига Android 7.1.1 Nougat базасидаги Amigo OS 5.0 прошивкаси ўрнатилади. Унинг тақдимоти яқин ҳафталарда бўлиши кутилаётир, аммо нархи ҳозирча маълум қилинмаган.

Хабарларни тез ва осон ўқиш учун Андроид иловамизни сақлаб олинг.