Gmail аккаунтни ўчириш ва қайта тиклашни биласизми?
Ҳозирги кунда турли сервисларда аккаунтлардан фойдаланамиз, жумладан, кўпчилигимизнинг Google аккаунтимиздаги почтамиз мавжуд. Агарда бирор сабабга кўра Gmail аккаунтингизни ўчириш керак бўлиб қолса, қуйидаги тавсияларимиз қўл келади. Шунингдек, маълум бир вақт оралиғида бу аккаунтни қайта тиклаш ҳам мумкин.
ЎҚИНГ: Gmail’даги файлларингизни топиш учун қулай кенгайтма – Dittach
Gmail аккаунтни ўчириб ташлаш
- Google аккаунтларни бошқариш марказига ўтинг.
- Экраннинг юқори ўнг бурчагидаги «Кириш» («Войти») тугмачасини босиб, ўз аккаунтингизга киринг.
- Аккаунт созламаларига ўтинг.
- Саҳифанинг пастроғида «Сервисларни ўчириш» («Удалить сервисы») тугмачасини топиб, уни босинг.
- Аккаунтингиз паролини яна бир марта киритинг.
- Gmail белгичаси рўпарасидаги корзинка белгисини танланг.
- Сизга, бу ҳаракатингизни тасдиқлаш учун Gmail билан боғланмаган бошқа почтангизга хат юборишни таклиф этишади.
- Gmail аккаунтингизни ўчириш учун, ўша почтангизга борган ҳавола орқали ўтинг.
Шундай қилиб, Gmail аккаунтингиз ўчирилди, Google аккаунтингизга эса энди ўша – уни ўчиришни тасдиқлаш хати юборилган почтангиз орқали кираверасиз.
Gmail аккаунти ва Google’нинг бошқа сервисларини ўчириш
- Google аккаунтларни бошқариш марказига ўтинг.
- Экраннинг юқори ўнг бурчагидаги «Кириш» («Войти») тугмачасини босиб, ўз аккаунтингизга киринг.
- Аккаунт созламаларига ўтинг.
- Саҳифанинг пастроғида «Аккаунт ва маълумотларни ўчириш» («Удалить аккаунт и данные») тугмачасини топиб, уни босинг.
- Аккаунтингиз паролини яна бир марта киритинг.
- «Аккаунтни ўчириш» («Удалить аккаунт»)ни босинг.
Ўчирилган Gmail аккаунтини қайта тиклаш
Gmail аккаунтингизни ўчирганингиздан кейинги етти кун мобайнида фикрингиз ўзгариб қолса, уни қайта тиклаш имкони бор. Буни эса қуйидагича амалга оширасиз:
- Аккаунтни тиклаш саҳифасига киринг.
- Почта манзилингиз ёки унга бириктирилган телефон рақамингизни киритинг.
- «Аккаунтни тиклашга уриниш» («Попытаться восстановить аккаунт») тугмачасини босинг.
- Аккаунтингиз паролини теринг.
Агарда маълумотларни сақлаш муддати тугамаган бўлса, аккаутингиз қайта тикланади.
