Google Android’даги камчиликларни топган хакерларга мукофот пули тўлайди

Google компанияси Android’даги йирик камчилик ва носозликларни аниқлаган хакерларга йирик миқдордаги мукофот пулларини тўлаш мақсадида. Компания томонидан эълон қилинган мазкур танловга  Project Zero Prize номи берилиб, унинг умумий мукофот фонди 350 000 АҚШ долларини ташкил этади (1-ўрин: $200 000, 2-ўрин: $100 000 ва 3-ўрин: $50 000).

Танлов Google’нинг дастурдаги критик муаммоларни аниқлаш ва ҳужжатлаш ишларига жавоб берадиган Project Zero жамоаси томонидан ташкиллаштирилган.

Иштирокчилардан Android’даги кучсиз ҳимояга эга жойлар ёки баглар занжирини топиш талаб этилган. Бундай чеклов осонлик билан мукофот пули олишни бироз қийинлаштириши мумкин. Бундан ташқари, асосий совринни ҳеч ким эгалламаслиги ҳам мумкин. Иштирокчилар тадқиқот натижаларини ҳисобот кўринишида аввал Google’га, ундан кейин эса батафсил ҳисоботни  Project Zero бўлимига жўнатишлари сўралган. Танловга 6 ой вақт ажратилганю