Google Android ва Chromeни ягона платформага бирлаштирмоқчи

Американинг Google интернет-корпорацияси Android ва Chrome OS операцион тизимларини смартфон, планшет компьютер ва ноутбуклар учун ягона платформага бирлаштиришни режалаштирмоқда, бу ҳақда The Wall Street Journal хабар қилади.

Google инженерлари бирлашган операцион тизим устида ишлаётганликлари анчадан бери маълумдир. Платформанинг биринчи версияси келгуси йили тақдим этилади, тугалланган версиясини эса 2017 йилда кўришимиз мумкин.

Икки операцион тизимнинг бирлашуви Googleнинг Androidга экспансиясидан далолатдир. Chromebookларнинг номланиши ўзгаради. The Verge ресурси Google матбуот хизматида маълумотни тасдиқлаганини, аммо Android ва Chrome OS алоҳида-алоҳида фаолиятини давом эттираверишини билдирди.