Google’дан ажойиб бешлик: Chromecast Ultra 4K HDR (Видео)
Кеча АҚШда ўтказилган гаджетлар тақдимотида Google компанияси учинчи авлод Chromecast Ultra 4K HDR номли медиаприставкани ҳам намойиш қилди. Ушбу донгл тақдимотидан кейин 30 млн нусхада сотилган Chromecast 2 приставкасининг давомчисидир. Chromecast Ultra мосламасини ҳам исталган гаджет: смартфон, планшет ёки компьютер ёрдамида бошқариш мумкин. У 4К, Dolby Vision ва НDR форматидаги материалларни телевизорга транслация қила олади.
Шунингдек, такомиллашган Wi-Fi сабабли Chromecast Ultra контентни 1,8 марта тез ва сифатли узата олади. Энг қизиғи, эндиликда у Ethernet тармоғини ҳам қўллаб-қувватлайди.
Медиаплеер ноябр ойида сотувга чиқарилади. Нархи – 69 доллар. У АҚШ бозорида Xiaomi Mi Box приставкасига бевосита рақобатчи бўлиши айтилмоқда.
