Google’дан ажойиб бешлик: Смарт Wi-Fi рутер (Видео)
Кеча АҚШнинг Сан-Франциско шаҳрида ўтказилган тақдимотда Google компанияси бешта инновацион қурилмаларни намойиш қилди. Шулардан бири смарт Wi-Fi рутер бўлиб, у қидирув гиганти томонидан ишлаб чиқарилган. Ушбу рутер, асосан, ақлли уй механизми учун мўлжалланган.
Рутерни яратиш жараёнида Google ASUS ва TP-LINK каби соҳанинг номдор вакиллари билан ҳамкорлик қилган. Рутерни смартфон орқали бошқарса бўлади. У автоматик равишда сигнални бошқариш хусусиятига эга бўлиб, уйдаги бошқа қурилмалар билан интеграция қила олади.
Googe Wi-Fi рутерда қувватни тежаш режими ҳам кўзда тутилган. Қурилманинг нархи – 129 доллар, ноябр ойидан бошлаб гаджетга буюртма бериш мумкин.