Google Drive энди Android 4.0 версиясида ишламайди

Google Drive хизматининг куни кеча чиқарилган дастур янгиланиши унинг Android 4.0 версиясида ишлашини чеклайди. Ушбу хизмат рутланмаган барча Android қурилмаларнинг дастурига аввалдан ўрнатилган бўлади ва Google’нинг асосий маҳсулотларидан бири ҳисобланади. Google Play’дан олинган сўнгги расмий ахборотга кўра, жаҳондаги 1,6 % смартфонларгина Android 4.0 Ice Cream Sandwich версиясида ишлар экан. Шу боис Google унинг мазкур версиядаги фаолиятини тўхтатишга қарор қилган.

Google Drive хизматига тегишли сўнгги дастур янгиланишида турли хатоликлар бартараф қилиниб, бир нечта фойдали функциялар татбиқ этилган. Энди хизматнинг сўнгги версиядаги иловасида булут хотирасида сақланаётган файлларни смартфон экранига ёрлиқ қилиб қўшиш мумкин бўлди. Бундан ташқари, фойдаланувчилар онлайн хотира майдонини илованинг ичидан туриб кенгайтириш имкониятига эга бўлдилар.