Google жаримага тортилди

Google жаримага тортилди

Google Ҳиндистонда рақобатга қарши амалиёт учун 113 миллион доллар жаримага тортилди. Ҳиндистон Рақобат Комиссияси (CCI) таъкидлашича, АҚШ компанияси ўзининг устун мавқеидан фойдаланган ҳолда дастурчиларни учинчи томон компанияларнинг тўлов тизими ўрнига ўзининг тўлов тизимидан фойдаланишга мажбур қилган.

Google вакилининг айтишича, компания қарорни кўриб чиқмоқда, чунки қарор устидан Ҳиндистон судига аппилация бериш мумкин.

Компания, шунингдек, уч ой ичида 8 та ўзгартиришларни амалга ошириш керак. Бу дастурчиларни ҳар қандай учинчи томон тўлов сервислардан фойдаланишини чекламаслик ҳамда илова ичидаги тўловалрни чекламасликни ўз ичига олади. 

Google'нинг тўлов бозорида қандай иш олиб бораётганини текшириш 2020 йилда монополияга қарши иш юзасидан бошланиб кетган. Шикоятчининг вакили бўлган адвокатлик фирмасига кўра, буюртма рақобатга ёрдам беради ҳамда дастурчилар учун харажатларни камайтиради.

Бир ҳафта ичида Google Ҳиндистонда иккинчи марта жаримага тортилди. Ўтган ҳафта давомида компания рақобатга қарши амалиётлар, жумладан Chrome ва YouTube'ни Android билан бирлаштириш, шунингдек, фойдаланувчиларга Google Харита ва Gmail каби олдиндан ўрнатилган иловаларни ўчиришни чеклаш учун 162 миллион доллар (13,38 миллиард рупий) тўлашга мажбур бўлди.

ЎҚИНГ: Бу сафар расман: Apple ўзининг iPhone'ларини USB-C билан чиқаришини тасдиқлади