Google’нинг «махфий» Fuchsia OS тизимини энди сиз ҳам синаб кўришингиз мумкин!

  •   DiMaX
  •  1342
  •  07.04.2018 11:42

Google’нинг «махфий» Fuchsia OS тизимини энди сиз ҳам синаб кўришингиз мумкин!

Жорий йилнинг бошида Google ўзининг янги – универсал Fuchsia OS операцион тизимини намойиш этган эди. Мазкур тизимда чиройли ва содда дизайнга кўпроқ аҳамият қаратилган. Бироқ компания уни ҳали очиқ фойдаланишга топширмаган эди.

ЎҚИНГ: Google янги – универсал операцион тизимни тақдим этди

Энди эса Google компанияси Fuchsia тизимининг демо талқинини браузерларда ишлатиб кўриш имкониятини тақдим этди.

Fuchsia OS’нинг синов версиясини исталган браузерда ишга тушириш мумкин. Бунда Google дастурчилари тайёрлаётган янги маҳсулотни синаб кўриш ва бошқа тизимлар билан таққослаш имконига эга бўласиз.

Айтиш керакки, ҳали ушбу талқиннинг функционаллиги чекланган. Браузерда очиб кўрсангиз, бу тизим кирувчи хатлар ҳақидаги билдиришномаларни, мос келувчи таомлар рецептларини ва жорий вақтни акс эттиради. Шунингдек, созламалар ойнасида Bluetooth’ни ёқиш, ёруғлик ва овозни созлаш имкони бор.

Синов талқинидаги Fuchsia OS’ни ишлатиб кўриш учун мана бу ҳавола орқали ўтишингиз мумкин.

Айтиш керакки, мазкур платформа Meganta микроядросига таянади ва универсаллиги боис компьютерлар, планшетлар ва смартфонларда ҳам ишлай олади. Яна қисқа муддатлар ичида уни ҳатто смарт-соатларга ҳам ўрнатиш назарда тутилган.

ЎҚИНГ: Android ўрнига келувчи Fuchsia OS: Pixelbook’дан олинган суратлар