Google овоз ёрдамида харид қилиш хизматини ишга туширди
Google контактсиз тўлов — Hands Free хизматини синовдан ўтказмоқда. Бу ҳақда компания блогида хабар берилган.
Дастурни iOS ва Android тизимидаги телефонларга ўрнатиш ва ундан фойдаланганда “Мен Google ёрдамида тўловни амалга оширмоқчиман”, деган жумлани айтиб, тўловни амалга ошириш мумкин бўлади.
Идентификация фойдаланувчининг фотосурати орқали ҳам амалга оширилади. Смартфон Wi-Fi ёки Bluetooth орқали касса терминалига уланади, фойдаланувчи зарур жумлани айтади, шундан сўнг сотувчи харидорнинг сурати ёрдамида харидни тасдиқлайди.
Айни дамда хизмат Сан-Францисконинг бир қатор ресторанларида, жумладан, McDonald’s ва Papa John’s да синовдан ўтказилмоқда.
Манба: Kun.uz
