Google рекламани нега тўхтатди?

Blackmore Group  инвестиция компанияси раҳбари Филип Нун Google’ни криптовалюта рекламасини блоклаётгани учун танқид қилди. Унинг таъкидлашича, корпорация турли азарт ўйинларни реклама қилишдан чарчамайди, лекин токенларни реклама қилишга таъқиқ қўймоқда. Хўш нима учун?

Филип Нуннинг фикрича, рекламани таъқиқлаши, Google’нинг яқин орада ўз криптовалютасини чиқариш режаси борлигини яна бир бор исботлайди. Шу боис, бошқа токенларни рекламадан ўчириб ташлаши уларни янги шартларда бериш имконини беради, — деб баёнот берди Blackmore Group Бош директори The Independent газетаси мухбири билан суҳбатда.

Google анчадан буён блокчейн технологиясини ўрганмоқда, ҳатто яқинда улар Ethereum асосчиси Виталик Бутеринни ҳам ёлламоқчи бўлишди. Лекин у кўнмаган. Экспертларнинг фикрича, Google бундай лойиҳани ҳаётга татбиқ эта олмайди,чунки кўп мамлакатларда монополияга қарши қонунлар мавжуд, АҚШда эса, бу борадаги қонунлар янада кучли.

Бошқа томондан олиб қараганда, Facebook, Amazon ва IBM’лар  ҳам аввал бошданоқ ўз криптовалютасини чиқариш режасини маълум қилиб келади. Шундай экан, Google улардан орқада қолаётгандек. Энди у қўлдан бой берилган имкониятларни яна бир бор кўриб чиқиши керак. Лекин, нима бўлганда ҳам, у бу ишни “ноҳалол” йўл билан амалга оширмаса керак, дейилади хабарда.