Google Stadia Pro’да икки ой бепул ўйнаш мумкин, лекин шошилмасангиз бўлмайди!

  •   DiMaX
  •  1194
  •  09.04.2020 11:00

Google Stadia Pro’да икки ой бепул ўйнаш мумкин, лекин шошилмасангиз бўлмайди!

Бутун жаҳонда коронавирус пандемияси туфайли кишилар турли онлайн сервислар орқали масофадан ишлашмоқда. Ишдан бўш одамлар ўз уйларида қолишларига ўйин студиялари ҳам ҳисса қўшишмоқда.

ЎҚИНГ: Иккита саргузашт ўйинни Google Play’да вақтинча бепул тарқатишяпти

Қидирув гиганти ўтган йили Google Stadia ўйин стриминг сервиси ҳамда Stadia Controller контроллерини намойиш қилган эди. Ҳозирги оммавий карантин шароитини ҳисобга олиб, компания аслида пулли бўлган Google Stadia Pro сервисини икки ойга бепул қилди.

Stadia Pro тўплами нархи ойига 10 долларга тенг, лекин Google бугундан бошлаб икки ойга бу хизматини бепул тақдим қиляпти. Аммо шошилиш керак – мазкур таклиф 48 соат мобайнида амал қилади. Яъни, сиз шу пайтгача Google Stadia’да рўйхатдан ўтмаган бўлсангиз, мана бу ҳавола орқали шу 48 соат ичида рўйхатдан ўтиб қўйишингиз шарт – ўшандагина икки ой бепул ўйнай оласиз.

ЎҚИНГ: Жаҳон соғлиқни сақлаш ташкилоти: «Коронавирусдан сақланиш учун кибер-ўйинлар ўйнанг!»

Икки ой бепул қилинаётган ушбу Stadia Pro тўпламига қуйидаги тўққизта ўйин киради:

  1. Destiny 2: The Collection;
  2. Grid;
  3. Gylt;
  4. SteamWorld Dig 2;
  5. SteamWorld Quest: Hand of Gilgamech;
  6. Serious Sam Collection;
  7. Spitlings;
  8. Stacks on Stacks (on Stacks);
  9. Thumper.

Қолган ўйинларни ўйнаш учун уларни харид қилишга тўғри келади.

ЎҚИНГ: Соврин фонди 60 миллион сўмлик онлайн киберспорт мусобақасига марҳамат!

Хабарларни тез ва осон ўқиш учун Андроид иловамизни сақлаб олинг.