Google'дан бу йил энг кўп нималарни сўрашди?

Google'дан бу йил энг кўп нималарни сўрашди?

“Тахтлар жанги“, “Кетилин Женнер“, “Регби бўйича Жаҳон чемпионати“, “51-ҳуҳуд“, “ананасни қандай еса бўлади?“

Юқоридагилар бу йил британяликлар томонидан Google'да энг кўп қидирув берилган жумла ва саволлардандир. Бу ҳақида BBC хабар бермоқда.Қидирув гиганти тақдим қилган маълумотларга кўра, Бирлашган Қиролликда энг кўп сўров берилган жумла Регби бўйича Жаҳон чемпионати бўлди. Маълумот учун, чемпионат финалида Жанубий Африка Англия устидан ғалаба қозониб, чемпионга айланган.

“51-ҳудуд нима?“ ва “Psalm сўзи қандай талаффуз қилинади?“ кабилар ҳам энг кўп берилган саволлар рўйхатида етакчилик қилди.

Қизиқаётганлар учун, 51-ҳудуд АҚШ ҳаво кучларининг ўта махфий базаси ҳисобланади. Баъзиларнинг ишонишича эса, бу ерда ўзга сайёраликлар яшайди. Июль ойида Facebook'да “51-ҳудудга ҳужумга ўт, ҳаммамизни тўхтатиб қолишолмайди“, номи остида тарқалган хабарлардан сўнг бир миллион киши АҚШ Ҳаво кучларидан бунга муносабат билдиришни талаб қилганда, ташкилот фуқароларни бу ҳудудга яқин йўламаслик борасида огоҳлантирганди.

Psalm — Ким Кардишиан-Уэст ва Кейн Уэстларнинг май ойида дунёга келган тўртинчи фарзандининг исми. Бу ном “салм“ деб талаффуз қилинади — “П“ айтилмайди.

Ким Кардишиан-Уэст ва Кейн Уэст

 

Британияда энг кўп қидирилган 10 та сўров рўйхатида телемаҳсулотлар, кино ва спорт ўйинлари етакчилик қилди. Крикет бўйича Жаҳон чемпионати, Ченобил ва “Қасоскорлар: Сўнгги ўйин“ шулар жумласидандир.

Кетилин Женнер ҳақидаги саволлар ҳам кўп бўлди. “Мен машҳурман... Мени бу ердан олиб кет!“ номли реалти шоусидадаги роли сабаб Женнер Британияда энг кўп “Google қилинган“ машҳурга айланди.

Фойдаланувчилар қандай қилиб спорт матчларини томоша қилиш ва сиёсатда иштирок этиш борасида ҳам анчайин қидирув беришган. “Чемпионлар Лигаси финалини қандай томоша қилиш мумкин?“, “KSI'нинг Logan'га қарши ўйинини қандай томоша қилиш мумкин?“ ва “Овоз бериш учун қандай рўйхатдан ўтиш мумкин?“ кабилар шуларга мисол бўла олади.Қуйида юқоридагиларнинг қисқа хулосаси билан танишиб чиқишингиз мумкин:

Қандай...

•Чемпионлар Лигасини қандай кўриш мумкин?
•“Тахтлар Ўйни“ни қандай кўриш мумкин?
•Psalm сўзи қандай талаффуз қилинади?
•KSI'нинг Logan'га қарши ўйинини қандай кўриш мумкин?
•Европа сайловларида қандай овоз бериш керак?
•Ананасни қандай ейиш керак?
•Овоз бериш учун қандай рўйхатдан ўтилади?
•Minecraft'да (ўйин) тулкини қандай қўлга ўргатиш мумкин?
•Чернобилни қандай томоша қилиш мумкин?

Нима...

•51-ҳудуд нима?
•Бекстоп нима?
•D-Day нима?
•Финн қонуни нима?
•Крикетда “супер-овер“ нима?
•13-мақола нима?
•VSCO қиз нима?

ЎҚИНГ: "Okay, Google: Менга ўзинг ҳақингда гапириб бер!"