Гўзалликнинг умри қисқами?…
hi-tech.mail.ru нашрининг хабар беришича бундан бир ҳафта олдин туғилган Apple iPhone 7’нинг корпуси жуда тез тирналиб, ўзининг бор чиройини йўқотаётган экан. Қизиғи, Купертино гиганти тақдимотдан бироз ўтиб янги моделларни чехол билан ишлатишни сўраган эди. Бу билан ишлаб чиқарувчи телефон корпусидаги ушбу камчиликни тан олган, десак англишмаймиз.
Қора оникс рангидаги Apple iPhone 7 деярли ярим соат ичида сотилган эди. Ушбу ранг янги моделлар ичидаги энг диққатга сазовор версия сифатида эътироф этилганди.
Гап шундаки iPhone 7’нинг орқа корпуси 7000-сериядаги альюминийдан ишланган. Қора оникс рангли телефон версиясида ялтироқ қора рангни ҳосил қилиш учун Apple ўн босқичли анодлаш ва силлиқлаш технологиясидан фойдаланган. Бу эса телефондаги қирраларни мукаммал чиқишини таъминлаган.
Барқарорлик бўйича корпус бошқа Apple маҳсулотларидан қолишмайди. Аммо ундан кўп фойдаланиш натижасида корпусда майда қирмалар пайдо бўлиши мумкин экан. Бундан ташқари бармоқдан қолган излар жуда яққол кўринмоқда. Шу сабаб ишлаб чиқарувчи ва мутахассислар мазкур смартфондан чехолда фойдаланишни маслаҳат беришган.
