Ҳали тақдим этилмаган Galaxy A54 5G Geekbench'да ўз кучини кўрсатди
Samsung компаниясининг ҳали тақдим этилмаган икки смартфони Geekbench онлайн маълумотлар базасида пайдо бўлди. Демак, икки модель тез орада тақдим этилади. Ушбу икки модель Galaxy A54 5G ва Galaxy F04s смартфонларидир.
A54 5G Samsung компаниясининг энг оммабоп бўлган A5x қаторининг янги модели бўлса, F04s фақат маълум ҳудуд бозори учун ишлаб чиқарилади.
Galaxy A54 5G прототипи бир ядроли тестда 776 балл, кўп ядроли тестда эса 2599 баллни қўлга киритди. Тестдаги модель Android 13 операцион тизимига эга эди. Унинг тезкор хотираси эса 6ГБ ни ташкил қилади. Катта эҳтимол билан смартфоннинг 8ГБ хотирали моделлари ҳам сотувга чиқади.
Смартфон чипсети S5E8835 рақами сифатида белгиланган. Миш-мишларга кўра, бу Exynos 1280 моделини янги авлоди бўлиб, у Exynos 1280 деб номланади. Чип тўртта 2.4 гигагертсли ҳамда тўртта 2.0 гигагертсли ядролардан ташкил топган. График процессори сифатида Mali-G68 кўрсатилган.
Аввалги миш-миш ва маълумотларга таянадиган бўлсак, Galaxy A54 5G модели 25 ваттда қувват олувчи 5,100 мАс сиғимли аккумулятор, 50МП асосий камера ҳамда 120 гертсда ишловчи 6.4 дюймли дисплейга эга бўлади. Смартфон рендерлари ўтган ойда оммага тақдим этилган эди.
Galaxy F04s моделига тўхталадиган бўлсак, ушбу арзон смартфон эксклюзив тарзда Flipkart дўкони орқали тақдим этилади.
Ушбу смартфоннинг прототипи бир ядроли тестда 163 балл, кўп ядроли тестда эса 944 баллни қўлга киритди. Қурилмага PowerVR Rogue GE8320 график процессори билан жиҳозланган MediaTek Helio P35 чипсети ўрнатилади. Гаджет 3ГБ тезкор хотира эга ҳамда Android 12 операцион тизимида ишлайди.
