Ҳали тақдим этилмаган Galaxy Note 10+’ни ҳали намойиш қилинмаган iPhone XR 2019’да суратга олиб кўрсатишди!

Samsung компаниясининг шу кунларда энг кутилаётган ва муҳокама этилаётган қурилмалари – Galaxy Note 10 туркумидаги фаблетларидир. Биз ушбу туркумнинг илғор флагмани «жонли» суратини, Galaxy Note 10 ҳамда Note 10+ орасидаги фарқларни эълон қилганмиз.

ЎҚИНГ: "5G Fighting Championship": Galaxy Note 10 5G vs. Galaxy S10 5G

Бугун эрталаб интернетда тарқалган битта сурат эса камида икки жиҳати билан аҳамиятли. Аввало, унда Samsung ҳали расман кўрсатмаган Galaxy Note 10+ модели «жонли» кўрсатилган. Қолаверса, унинг экранида бевосита расмга тушираётган қурилма ҳам акс этиб қолган ва уям ҳали тақдим қилинмаган iPhone XR 2019 моделидир!

Мазкур фактни, яъни битта суратда айни шу – ҳали расман намойиш қилинмаган иккита қурилма кўрсатилганлигини таниқли инсайдер Ice Universe ҳам тасдиқлаган.

ЎҚИНГ: Смартфон бозорида рекорд: Samsung иккинчи ўринда, етакчи ким унда?!

Ҳозиргача сизиб чиққан маълумотларга кўра, iPhone XR 2019 (ёки iPhone XR 2) смартфонининг бош камераси квадрат блокда жойлашиб, иккита датчик ҳамда LED-чироқни ўз ичига олади:

Таъкидлаш ўринлики, Samsung Galaxy Note 10 тақдимоти бир ҳафтадан сўнг – 7 августда бўлиб ўтади. Янги авлод iPhone’лар эса шундан бир ой ўтгачгина намойиш қилинади.

Terashop.uz интернет-дўконимизда турли Samsung телефонларини 619 000 сўмдан бошланган нархлар эвазига Terashop.uzинтернет-дўконимиздан харид қилиш, ҳар хил русумлардаги iPhone’ларни эса 4 905 000 сўмдан бошланган нархларда сотиб олиш мумкин.

ЎҚИНГ: Қайси iPhone’нинг батареяси қанчалик «бақувват» – барчаси битта рўйхатда!