Ҳали тақдим этилмаган Galaxy S8 Lite сифатли суратларда намоён бўлди

Samsung компанияси Galaxy S8 Lite номли смартфонни тайёрлаётганлиги ҳақида хабарлар яқинда тарқала бошлаганди. Бозорга аллақачон Galaxy S9 авлоди флагманлари ҳам чиқарилганидан кейин, жанубий кореялик техногигант ўтган йилги S8 моделининг «соддалаштирилган» версиясини чиқариши ғалати, аммо бунинг сабабини ўтган галги хабаримизда кўрсатганмиз.

ЎҚИНГ: Бултурги Samsung флагманининг эксклюзив талқини тайёр!

Snapdragon 660 процессори базасида ишловчи Galaxy S8 Lite моделини ташқи кўринишига кўра оригинал Galaxy S8 флагманидан фарқлаш қийин. Янги смартфоннинг интернетда куни кеча тарқалган суратлари ҳам шундан далолат бераётир.

Кўриб турганингиздек, бир қараганда уни оригинал флагман – Galaxy S8 моделидан ажрата олмайсиз.

Samsung ушбу гаджетини 21 май куни Хитойда тақдим этиши кутилмоқда. Ҳозиргача тарқалган маълумотларга кўра, компания ушбу моделни фақат «Осмон ости салтанати» бозорига мўлжаллаган.

Аммо хитойликлар уни онлайн савдо платформалари орқали хорижга сотишлари эҳтимоли ҳам бор. Балки, ўшанда Galaxy S8 Lite моделига Ўзбекистондан туриб ҳам буюртма бериш имкони бўлиб қолар.

ЎҚИНГ: AliExpress’даги товарларга «Terabayt.uz» орқали буюртма беринг!