Ҳали тақдим этилмаган OnePlus 6 смартфонини мутлақо текинга оласизми?
OnePlus компанияси ўзининг ҳали расман намойиш этилмаган OnePlus 6 смартфонидан бир нечтасини синаб кўриш учун тасодифий хоҳловчиларга бепул тақдим этмоқчи. Буни бренд вакиллари расмий форумда эълон қилишган.
ЎҚИНГ: «Асло қотмайдиган» OnePlus 6 флагманини ёқиқ ҳолида «жонли» кўрсатишди
Хоҳловчилар мазкур акцияда иштирок этиш учун мана бу ҳавола орқали ўтиб, онлайн-анкетани тўлдиришлари кифоя – уёғига лотерея натижаларини кутиш керак бўлади. Аризаларни қабул қилиш аллақачон бошланган ва 2 май санасигача давом этади. Акция иштирокчиларига қўйиладиган мажбурий талаб – аризани тўлиғича инглиз тилида расмийлаштириш, холос.
Аммо акцияда ютиб чиққанингиз – бу ҳали сизга OnePlus 6 смартфонини шундоққина бериб юборишади, дегани эмас. Анкетаси танлаб олинган иштирокчилар мазкур қурилма ҳақида инглизчада батафсил тақриз ҳам ёзиб беришлари керак бўлади. Бунда улар гаджетнинг функционаллиги ҳақидаги фикрларини, ундан фойдаланишдаги таассуротларини акс эттиришлари лозим.
OnePlus бир нарсага аниқлик киритмаган: смартфон акция иштирокчисида бутунлай қоладими, ёки синов давридан кейин уни қайтариб бериш керакми? Лекин қандай бўлишидан қатъи назар, смартфонлари «асло қотмайдиган» компаниянинг янги флагманини ҳаммадан бурун ишлатиб кўриш учун акцияда қатнашса арзийди. Агар сиз ҳам ўзингизга ишонсангиз ва бу борада омадингизни синаб кўришни хоҳласангиз, ушбу ҳавола орқали ўтиб, анкета тўлдиришингиз мумкин.
ЎҚИНГ: AnTuTu’да рекорд ўрнатган OnePlus 6’ни батафсил томоша қиламиз! (+видео)
