Ҳамёнбоп Galaxy A90 флагмани энг кутилаётган технологиядан маҳрум экан!
OnLeaks никли инсайдер аввалроқ Galaxy A90 смартфонининг янги – Galaxy R туркуми доирасида тақдим этилишини айтганди. Кейин эса ушбу қурилма Snapdragon 855 чипига ва 48 МПлик «учкўз» камерага эга эканлигини маълум қилган.
ЎҚИНГ: Galaxy A90 – камида учта жиҳатига кўра флагманлардан ҳам зўр 5G-смартфон!
Samsung ушбу ҳамёнбоп флагманида Snapdragon 855 процессорини қўллашидан ташқари, унинг битта версияси 5G тармоқларида ишлай олиши ҳам маълум. Шунингдек, унда мазкур туркумнинг энг ғайриоддий форм-факторли вакили – Galaxy A80 смартфонидаги каби айланувчи камера қўлланиши ҳам кутилаётган эди. Баъзи информаторлар эса унинг олд камераси корпуснинг юқори қиррасидан чиқадиган механизмга ўрнатилишини айтишаётган эди.
Бироқ машҳур инсайдер OnLeaks ушбу маълумотларни рад этди – Galaxy A90 смартфони Infinity-U туридаги Super AMOLED-экран билан таъминланар экан. Яъни, унинг олд камераси дисплейдаги томчисимон кемтикка ўрнатилади – шунда айланма камерага ҳам, корпусдан чиқувчи механизмга ҳам ҳожат қолмайди.
And in another addition, one of both likely called #GalaxyA90 (SM-A908) comes with a FHD+ sAMOLED Infinity-U display...
— Steve H.McFly (@OnLeaks) 29 июня 2019 г.
Шунингдек, инсайдернинг ёзишича, 5G-модемли, каталог рақами SM-A908 бўлган Galaxy A90 моделига Full HD форматли Super AMOLED-дисплей ўрнатилади. Смартфоннинг бошқа – SM-A905 каталог рақамли версиясида эса QHD форматли экран бўлиши тахмин қилинмоқда.
ЎҚИНГ: Samsung танловида қатнашинг – соврин жамғармаси нақ 40 000 доллар!
