Ҳамёнбоп янги Galaxy смартфони тақдим этилди
Samsung янги ҳамёнбоп смартфонни тақдим этди. Galaxy F04 модели сиёҳранг ҳамда яшил рангда сотувга чиқади. Қурилма 4ГБ тезкор хотира билан интеграллашган 12 нанометрли MediaTek Helio P35 чипи билан жиҳозланган.
Базавий хотира 64ГБ бўлиб, уни microSD картаси билан 1ТБ гача кенгайтириш мумкин. Қурилма Android 12 операцион тизимида ишлайди.
Galaxy F04 модели 60 гертсда ишловчи 1600х720 пиксел резолюциядаги PLS LCD дисплейи билан жиҳозланган. Олд панелда 5МП селфи камера жойлашган бўлса, орқа панелдан 13МП асосий ҳамда 2МП сатҳ камера ўрин олган. Бармоқ изи сканери смартфонда мавжуд эмас. Қурилмадаги 5,000 мАс сиғимли аккумуляторни 15 ватт тезликда қувватлаш мумкин.
12 январдан Flipkart ўнлайн дўконида қурилма 115 доллар нархда сотувга чиқади.
