Ҳатто шрифтлар ҳам Россияни тарк этди
Times New Roman, Arial, Verdana, Tahoma ва Helvetica шрифтларига эгалик қилувчи Американинг Monotype компанияси россиялик фойдаланувчилар учун ўз кутубхонасига киришни тақиқлаб қўйди. Компания бу мавзуда ҳеч қандай расмий баёнот чиқармаган. Россиялик IT компаниянинг Ведомости нашрига маълум қилишича, Monotype шрифтлари кутубхонаси Россия фойдаланувчилари учун мавжуд бўлмай қолганлиги 11 апрел куни аниқланган, лекин тақиқ бир неча кун олдин қўйилган бўлиши мумкин.
Ҳозирда Monotype расмий веб-сайти Россияда ишламоқда, лекин унинг шрифтлари каталоги мавжуд бўлган сайтга Россия IP адреси билан кириш имконсиз бўлиб қолган, лекин VPN дастурлари билан бунинг иложи бор. Бироқ, бу йўлни охири эмас, ҳуқуқшуносларнинг маълум қилишича шрифтлар каталогига киришнинг тақиқланиши шрифтлардан фойдаланиш тақиқланганини англатмайди, шундай экан россияликлар ҳали ҳам шрифтлардан фойдаланишлари мумкин. Аммо, келажакда улардан фойдаланиш тўлиқ тақиқланиши эҳтимоллиги ҳам йўқ эмас.
ЎҚИНГ: "Меҳрибонлик ва хавфсизликни ривожлантиришнинг янги усуллари"
