Ҳайратга арзирли рақам: Fortnite’ни бир вақтнинг ўзида нечта геймер ўйнайди?

Epic Games компанияси вакили Inven нашрига интервью бераётиб, Fortnite ўйини бўйича статистикани ошкор этди. Маълум бўлишича, бу симуляторда бир вақтнинг ўзида ўйновчилар сони аллақачон 8,3 миллион нафардан ошган.

ЎҚИНГ: Fortnite, Minecraft ва яна учтаси: энг зўр ўйинлар энди смартфонларда

PCGamesN ресурсининг таъкидлашича, бу Doom ҳамда Doom 2 ўйинчиларининг умумий сонидан ҳам ошиқ. Умуман, Steam’даги бошқа исталган ўйин геймерларидан юқори кўрсаткич экан бу.

Epic Games жорий йилнинг бошида Fortnite геймерлари сони 3,4 миллиондан ошганини маълум қилганди. Янги кўрсаткич эса унга нисбатан икки баравардан ҳам ошиқлигига қараб, ўйиннинг оммалашиш кўламини тасаввур этиш мумкин.

Эслатиб ўтамиз, Fortnite – яшаб қолиш учун курашни ифодаловчи ўта оммабоп ўйин бўлиб, 2017 йили чиққан. Ҳозирда уни PlayStation 4, Nintendo Switch, Xbox One, Windows, MacOS, iOS ва Android-қурилмаларда ҳам ўйнаш имконини тақдим этишган.

ЎҚИНГ: Fortnite’ни энди исталган Android-қурилмада ўйнаш мумкин, фақат...