Honor Note 10 махсус Rolls Royce Design’га эга бўлади

Huawei компанияси янги Honor Note 10 фаблетини сотувга чиқараётгани ҳақда аввал маълум қилинганди. Янги қурилманинг тақдимоти июль билан август оралиғида белгиланган. Энди эса смартфон бир нечта версияда чиқиши ҳақида ҳам хабар тарқалди.

Уларнинг бири эксклюзив Honor Note 10 Rolls Royce Design бўлади. Эслатиб ўтамиз, Huawei  Porsche Design модификациясини ҳам ишлаб чиқараётгани ҳақда маълум қилинганди. Шундай экан, нега энди Rolls Royce билан ҳамкорликда гаджет чиқармаслиги керак экан?

ЎҚИНГ:Huawei’нинг иши беш: икки ойда 3 миллион дона Honor 10 сотилди

Тармоқларда пайдо бўлган расмда Rolls Royce логотипи бор  ва усти шишадек силлиқ флагманни кўриш мумкин. Аммо, мазкур  қурилма чекланган нусхада ишлаб чиқарилиши мумкин. Нархининг қимматлилигига қарагангда, у катта сиғимда хотирага ва янада яхшиланган комплектацияга эга бўлади.

Honor Note 10 қурилмаси 6,9 дюмли экран, Kirin 970 процессори, 8 ГБ тезкор хотира ва 128 ГБ ички хотирага эга бўлади. Шунингдек, у 12 мегапикселли қўш камера ҳамда сиғими 6000 мАч бўлган аккумулятор билан таъминланади. Қурилма ОС Android 8.1 Oreo тизимида ишлайди.

ЎҚИНГ:Super Charge тезкор қувватлантиргич сертификациядан ўтди