Honor Note 9 экран ҳажми бўйича Samsung Galaxy S10+ устидан кулмоқчи
Яқинда Samsung Galaxy S10+ 6,44-дюймли экранга эга бўлишини ҳамда бу, Samsung флагманлари орасида энг катта размер ҳисобланишини ёзгандик. Лекин чамаси, Huawei ҳам Honor бренди остида ўзининг улкан смартфонини тайёрламоқда ва унинг дисплейи Samsung Galaxy S10+‘ никидан ҳам катта бўлиши кутилмоқда.
Бундан олдин Huawei Samsung Display’га 6,9-дюймли дисплей учун бюртма берганини ёзгандик. Даставвал уни Huawei Mate 20 Pro деб атагандик, энди эса Хитой манбалари уни Honor Note линейкасининг тўққизинчи авлодига мансуб бўлади, деб айтишмоқда.
ЎҚИНГ: Huawei нечта P9 ва P9 Plus сотилганини айтди
Honor Note 9 (эҳтимол Honor 10 Plus’дир)нинг код номи Ravel бўлди. Кутилишича, унда 6,9-дюймли Super AMOLED-экран, Kirin 970 процессори, EMUI 8.1 қобиқли ва GPU Turbo технологиясига эга Android 8.1 Oreo операцион тизими бўлади.
Фаблетнинг расмий тақдимоти шу йилнинг июль—август ойига мўлжалланган. Хабарда таъкидланишича, Huawei ушбу қурилмасини чиқаришни шундоғам анчайин чўзиб юборди, чунки Honor Note 8 2016 йилда чиққан эди, яъни икки йил ўтиб кетди.
ЎҚИНГ: Машҳур инсайдер Huawei P20 флагманларининг дизайнини тўлиқ фош этди!
