HP ва Microsoft Windows дастурида ишлайдиган яна битта янги смартфон яратади

HP ва Microsoft Windows дастурида ишлайдиган яна битта янги смартфон яратади

АҚШнинг HP компанияси бундан бир неча ой илгари Windows платформасида ишлайдиган  HP Elite x3 моделини тақдим қилиб, смартфонлар бозорида ўзига хос йўналишни белгиламоқчи эканлигини барчага маълум қилди. Модель 800 доллар нархида ниҳоят сотувга ҳам чиқарилди. Бироқ ушбу смартфон билан қаноатланмаган фирма, Microsoft билан ҳамкорликда яна битта Windows 10 Mobile дастурида ишлайдиган смартфонни яратишни режалаштирган. Бу ҳақда Германиянинг  Dr. Windows  сайтида хабар берилган.

Янги модель HP Elite x3 смартфонидан фарқли равишда корпоратив сегментлга эмас, асосан, оддий фойдаланувчиларга йўналтирилган бўлади. Унга Lumia смартфонларида ишлатилган камера ўрнатилиши маълум қилинган. HP компанияси мазкур смартфоннинг сотувлари билан шуғулланади.

Ҳозирча моделнинг техник хусусиятлари ва тақдимот санасига аниқлик киритилмаган. Бироқ тахминларга кўра, у келаси йилнинг февраль ойида Барселонада ўтказиладиган MWC кўргазмасида намойиш этилиши мумкин.

Terabayt.uz сайтининг видеолари: Youtube'даги каналимизда!