HTC Halfbeak номли ақлли соат устида ишламоқда
Хитойнинг Weibo ресурсида HTC компаниясига тегишли янги Halfbeak ақлли соатининг бир нечта тасвирлари пайдо бўлди. Бу ҳақда манбага таянган ҳолда Androidpolice сайти хабар берган.
Бугунга келиб LG, ASUS, Samsung, Huawei, Motorola ва Sony каби йирик корпорациялар бир нечта сериядаги ақлли соатларни намойиш қилишга улгурди. HTC ҳам бу сафар ушбу сегментга кириб келишга астойдил бел боғлаган кўринади.
HTC Halfbeak 360 градусли айлана дисплей билан жиҳозланган, металл гардиш билан ўралган. Соатнинг орқа қисмида юрак пульси сенсори жойлашган. Шунингдек, орқа панелда HTC ва Under Armour логотипларини ҳамда зарядлаш уясини кўриш мумкин. Ён томонда бошқарув функцияларини бажарадиган тугмалар мавжуд.
Ҳозирча гаджетнинг тақдимот санаси ва нархи борасида ҳеч қандай ахборот ошкор этилмаган.
