HTC метаоламга қаратилган янги смартфонни тақдим қилди
Ваъда қилганидек, HTC компанияси бугун ўзининг янги смартфони, Desire 22 Pro смартфонини тақдим қилди. Модел ўтган йилги Desire 21 Pro давомчиси бўлиб, у компания анчадан бери капиталлаштиришга ҳаракат қилаётган метаоламга қаратилган. Таъкидланишича, смартфон HTC яқинда тақдим қилган Vive Flow VR кўзойнаги учун ажойиб "ўртоқ" бўла олади ва NFT каби крипто активларини бошқариш учун Vive Wallet рақамли ҳамёнини, шунингдек, виртуал аватарларни яратиш учун Vive Avatar иловаларини ўз ичига олади.
Desire 22 Pro ўрта даражадаги смартфони Corning Gorilla Glass билан ҳимояланган 6.6 дюймли, Full HD+, 120Hz янгиланиш тезлигига эга дисплейга эга ва экраннинг чап юқори бурчагида 32 мегапикселли (f/2.0) селфи камераси жойлашган. Орқасига вертикал ўрнатилган учлик камераларнинг асосийси 64MP (f/1.79), ултра-кенг камераси 13 MP (f/2.4 ) ва чуқурлик камераси 5MP(f/2.4) сенсори, шу билан бирга, LED чироқ билан жиҳозланган. Ён томонида эса бармоқ изини сканерлайдиган сенсор ҳам ўрнатилган.
Ичкарида мобил қурилма Snapdragon 695 чипсети билан 8GB RAM ва 128GB хотирага эга. Унинг 4,520 mAh батареяси 18W тезликда USB-C порти орқали симли зарядлана олади ва шу билан бирга, симсиз зарядланиш ёки аксинча, симсиз зарядлашни қўллаб-қувватлайди. Android 12 операцион тизимида ишлайдиган телефон IP67 даражасидаги чанг ва сувдан ҳимоя сертификатига эга. Шуниндек, смартфонда хотирани кўпайтириш microSD карта учун уя ҳам мавжуд. 166.3 х 76.9 х 9.4 мм ўлчамдаги ва 205.5 грам оғирликдаги қора ёки олтин рангдаги Desire 22 Pro смартфони учун £399.00 нархда Буюк Британияда олдиндан буюртма бериш бошланган, уни етказиб бериш эса август ойидан бошланади.
ЎҚИНГ: Xiaomi 12S серияси расман қачон тақдим қилиниши маълум қилинди
