HTC ён тугмалари бўлмаган смартфонларни тайёрламоқда
Сўнгги пайтларда Тайванниг HTC компанияси билан яқин алоқада бўлган нашрларда компаниянинг HTC Ocean смартфонлар сериясини тайёрлаётгани борасида хабарлар тарқалди. Масалан, кеча HTC дизайнери Даниель Вермюлен сайтида HTC Ocean сериясидаги бир қатор смартфонларнинг концептлари нашр этилган. Ушбу смартфонлар бошқа саноатдаги мавжуд аналогларидан ён тугмаларнинг йўқлиги билан ажралиб туради. Бундан ташқари, смартфонлар қўш камерага эга бўлиши ҳам мумкин.
Ҳозирча маълум этилган тафсилотларга кўра, тайванлик компания бир эмас, бир йўла уч мана шундай телефонларни тайёрламоқда. Смартфонларга Ocean Master, Ocean Note ва Ocean Smart лойиҳа номлари берилган. Лекин релиз вақтида мазкур телефонларнинг сотувдаги номи лойиҳа номидан фарқ қилиши мумкин. Албатта, Ocean Note сериядаги бошқа смартфонларга қараганда каттароқ бўлиши мантиққа яқин. Аммо Ocean Master ва Ocean Smart тўғрисида бирор фикр билдиришга ҳали эрта.
Ушбу смартфонларда ён тугмалар ўрнига кўп функцияларни бажаришга мўлжалланган сенсорлардан фойдаланилади. Агар ушбу маълумотлар тасдиқланса, бу инновация смартфон саноатида катта янгиликка айланиши мумкин.
