Huawei 230 долларлик смартфонни сотувга чиқарди

Huawei 230 долларлик смартфонни сотувга чиқарди

Huawei компанияси бугун Mate 50 сериясининг тақдимотини ўтказади. Аммо бундан олдин компаниянинг дўконида янги смартфон - Huawei nova 10z модели пайдо бўлди.

Ушбу 64МП асосий камерага эга смартфоннинг нархи 230 доллардан бошланади. Янги смартфон кўпроқ Huawei nova 8 SE Youth моделига ўхшайди, фақатгина у яхшироқ камераларга эга.  

Nova 8 SE Youth каби nova 10z моделига ҳам 1080p резолюциядаги 6.6 дюймли LCD дисплейи ўрнатилган. Дисплей юқори қисмининг марказида эса 16МП селфи камера жойлашган. Huawei смартфон фақатгина 8 ядроли чип билан жиҳозланганлиги ҳақида маълумот берди. Катта эҳтимол билан бу nova 8 SE Youth моделидаги Kirin 710A чипи бўлса керак. 

Қурилма 128ГБ ёки 256ГБ доимий хотирага эга. Тезкор хотирага оид ҳеч қандай маълумот берилмади. Смартфоннинг асосий нуқтаси бу унинг камерлари. Орқа панелдан f/1.9 диафрагмадаги 64МП асосий камера, f/2.4 диафрагмадаги 8МП ультракенг камера ва 2МП макро камера ўрин олган.

Huawei nova 10z модели 40 ваттда қувват олувчи 4,000 мАс сиғимли аккумулятор билан жиҳозланган. Смартфонда 3.5 мм аудио жек мавжуд. Гаджет Хитой бозори учун сотувга чиққан. Унинг уч хил: қора, оқ ва яшил рангли турлари мавжуд. Нархи эса қуйидагича:

128ГБ - 230 доллар

256ГБ - 260 доллар.

ЎҚИНГ: iPhone 14 Pro Max учун чиқариладиган ғилофлар 13 Pro Max'га мос келадими? 

Сайтимизнинг энг чиройли расмларини Инстаграмдаги саҳифамизда томоша қилинг!