Huawei Android 8.0 Oreo'ни юклаш мумкин бўлган смартфонларни эълон қилди

Жаҳоннинг етакчи смартфон ишлаб чиқарувчиларидан бўлган Huawei компаниясининг мобил алоқа воситаларидан сайёрамиз бўйлаб миллионлаб одамлар фойдаланади. Жумладан, бу бренд Ўзбекистонда ҳам маълум ва машҳур.

Кеча Хитойнинг бу корпорацияси ўзининг Android 8.0 Oreo операцион тизимига янгиланадиган мобил алоқа воситаларини расман маълум қилди.

Huawei компаниясининг расмий сайтида келтирилган маълумотларга кўра, фирманинг ўзлаштирилган EMUI 8.0 прошивкаси Android 8.0 Oreo базасида ишлаб чиқарилмоқда.

Маълум қилинишича, ҳозирча EMUI 8.0 прошивкасини қуйидаги смартфон моделларидан фойдаланувчилар юклаб олишлари мумкин:

Honor 7X
Honor 8
Honor V8
Honor Note 8
Honor 8 Lite
Honor 9
Honor 9 Lite
Honor V9
Honor V10

Компаниянинг хабар беришича, ҳозирча мана шу 9 та модел энг илғор операцион тизимга эга бўлган.

Энг ҳайратланарли жиҳати шундаки, компания бошқа смартфон моделлари учун янги операцион тизимни ишлаб чиқармоқчи эмас. Компания сайтида бошқа моделлар техник жиҳатдан имкониятлари етмагани сабабли Android 8.0 Oreo тизимида ишламаслигини маълум қилган.

Бунга ишониш қийин. Боиси, ҳатто Galaxy S2 ва Galaxy S3 каби аллақачон эскириб кетган смартфонлар ҳам бу илғор тизимга ўтаётган бир пайтда, хитойлик корпорациянинг бу даъвоси асосли эмас.

Афтидан Huawei ўзининг Honor бренди билан "тил бириктириб" юқоридаги смартфонлари савдосини яхшиламоқчи.